Pasadas as once da noite do 31 de xullo, a maioría do persoal da Voz
de Galicia aprobou un preacordo reduce o impacto negativo das
pretensións iniciais da empresa e evitará máis despedimentos.
Exerceron o dereito ao voto 295
persoas, algo máis do 90 % do censo. Destas, 171 (o 58 %)
votaron favorablemente a proposta, 108 votaron e contra e houbo tamén
16 votos en branco.
Sinalamos que o preacordo implica unha nova redución salarial, se ben
notablemente menor ao que se propuña inicialmente, e salienta que
será un «instrumento fundamental» para lograr o «obxectivo
básico» das negociacións: o mantemento do emprego.
Líbranse
da rebaixa do salario os traballadores e traballadoras que cobren
anualmente menos de 17.500€. Para o resto de colectivos, a mingua
salarial será, de media, do 6,25% para o 2013 e do 12,5% para o
2014, isto é, descontarase o equivalente a unha paga extra este ano
e ás dúas do vindeiro. Cómpre lembrar que proposta inicial da
empresa era reducir os salarios o 66% pra este ano e que a mingua
sería permanente; grazas ao acordo, a perda de poder adquisitivo
será menor e limitada ao 2014. Inclúese, ademais, un mecanismo de
recuperación desta rebaixa salarial se a empresa mellora a conta de
resultados.
Con
todo, os axustes extenderanse ao resto de gastos de empresa, polo que
ademais da redución salarial haberá unha diminución en dous
millóns de euros nos gastos de explotación, un 9% menos para
colaboracións externas, un descenso do 16,6% nas retribucións dos
conselleiros e administradores e un 12,5% en cada exercicio da alta
dirección e da comisión permanente.
Salientamos a «solidariedade de clase» do
persoal da Voz de Galicia, realizando este sacrificio común para
evitar o despedimento de máis compañeiros e compañeiras,
enfatizando que, en todo caso, será un axuste económico de carácter
temporal.
A
representación de Comisións na Voz de Galicia lembra que a
sitaución é de «enorme dificultade», tanto pola crise no sector
dos medios de comunicación como pola reforma laboral do PP, que lles
deu o poder ás empresas, facilitando despedimentos con só vinte
días de indemnización co máximo dunha anualidade «e sen ningunha
dificultade xurídica».
O
texto do preacordo fixa unha «garantía incondicional de mantemento
do emprego» ata o 1 de setembro de 2014. Isto é, non haberá ningunha
rescisión de contratos ata como mínimo pasado un ano. Tamén se
limita a capacidade da empresa de utilizar a reforma laboral para
despedir por razóns obxectivas, porque se compromete a manter o
emprego mentres que as vendas non se reduzan en 3,8 millóns de euros
en setembro de 2014 en comparación con setembro de 2013. Neste
punto, cómpre lembrar que a reforma do mercado de traballo permite
os despedimentos obxectivos cando o descenso nas vendas se produza en
tres trimestres consecutivos en comparanza co último ano, «aínda
que a diferenza sexa de só un euro».